As rutas do viño galegas preséntanse en Madrid con EnoTurismo Galicia

As rutas do viño galegas preséntanse en Madrid con EnoTurismo Galicia

Un total de 25 adegas e establecementos hostaleiros participarán neste evento o luns 28 de outubro

A marca Enoturismo Galicia, que agrupa a establecementos e adegas das cinco rutas do viño galegas, será a protagonista dun workshop en Madrid, o luns 28 de outubro.

Nel hanse dar a coñecer a oferta de 30 empresas da Ruta do Viño Rías Baixas, Ruta do Viño Ribeiro, Ruta do Viño Ribeira Sacra, Ruta do Viño Monterrei e máis da Ruta do Viño Valdeorras.

Entre os obxectivos desta actividade están promocionar Galicia como destino enoturístico e servir como punto de encontro para o sector, as súas empresas e profesionais.

O Clúster Turismo de Galicia organiza este evento, co apoio da Xunta de Galicia – Axencia de Turismo de Galicia.

Entre os convidados a esta cita están axencias de viaxe; empresas organizadoras de congresos e eventos; prensa; e, en xeral, profesionais dos sectores DMC e MICE.

Impulsada polas cinco rutas do viño en colaboración co Clúster Turismo de Galicia e con Turismo de Galicia, Enoturismo Galicia é unha marca paraugas baixo a que se agrupa a oferta enoturística dos cinco vieiros do viño galegos: Rías Baixas, Ribeiro, Valdeorras, Ribeira Sacra e Monterrei.

O seu obxectivo é o adoptar unha estratexia común por parte das Rutas do Viño que permita dar a coñecer o patrimonio vitivinícola do país de xeito conxunto, promocionando o enoturismo e a enogastronomía, especialmente de fronte ao exterior, así como xerar sinerxías entre as cinco rutas.

Comparte...