Pechando o Gastroforum, del Centro Superior de Hostelería de Galicia

Pechando o Gastroforum, del Centro Superior de Hostelería de Galicia

O Gastroforum do Centro Superior de Hostalería de Galicia, en Santiago de Compostela, acolleu durante dúas xornadas a numerosos profesionais de renome da gastronomía galega, xunto estudantes do centro de ensino

Así, as súas mesas reunirón a máis de 30 relatores, entre produtores e cociñeiros galegos, e uns 200 participantes, segundo as cifras da organización.

Os obradoiros e as catas foron outro dos ingredientes deste Gastroforum

Pepe Solla, Beatriz Sotelo, Luis Veira, Javier Rodríguez “Taki”, Héctor López, Manuel García, Sacha Hormaechea, Iñaki Bretal, Javier Olleros, Eloy Cancela, Chef Rivera, Caco Agrasar,  Héctor López, Iago Pazos, Daniel López, Chef Rivera, Iván Domínguez, Roberto Figueira, Paco Teira, María Varela y Suso Santiso, Carlos Pérez,  Alberto González, Flavio Morganti, Caco Agrasar, Miguel Anxo Besada, Santiago López, Carlos Pérez de Hokuto y José  González Solla foron algúns dos nomes deste #Gastroforum

Distintas reflexións sucedéronse durante as xornadas no en Centro Superior de Hostelería de Galicia

“Hai que replantexarse cousas e probar novos cultivos vexetais”, comentou Santiago Pérez, de Finca Los Cuervos, mentres que Joaquín Álvarez, da empresa Fresco y del Mar, dixo que “os produtores debemos traballar na creación dunha imaxe de marca para defender o noso produto”. David Sueiro, de Galo Celta incidiu en que xa hai que pensar en que o produtor ten nas súas mans unha empresa e “precisa un plan de desenvolvemento”.

Pola súa parte, Javier Olleros, deixou clara a filosofía do seu negocio: “Culler de Pau non se entendería sen os produtores”. Segundo explicou, manteñen unha relación ”de aprendizaxe con eles, porque coñecen a evolución do produto, e onde se xenera confianza”. Culler de Pau defendeu a súa aposta pola cociña de proximidade, que fan desde hai moitos anos. Pola súa parte, Héctor López, do Restaurante España, recordou que os cociñeiros “somos escaparates”, que dan a coñecer os produtos e axudan a súa recuperación.

Diego López, de La Molinera de Lalín comentou que “cando viaxas, a túa paleta de sabores aumenta, faiche pensar e nútreste doutras técnicas que funcionan perfectamente aquí” Ademais, para o do Deza, “cando asumes cousas novas e as inclúes no teu quefacer diario, convírtese en tradición”

Carlos Pérez, de Taberna Hokutó, dixo que hai que asumir que o produto galego “hai que págalo” e que “si e comida é rica, e a experiencia é boa, non hai perda de esencia”. Incidiu en que “a boa mesa perdura e a esencia da nosa gastronomía está no produto”.

Pola súa banda, Pepe Solla aseverou que as cociñas evoluciona a base de influencias e que non se perde a esencia por apostar por cousas novas. “A educación é a clave”.

No debate sobre a cultura de país, onde a evolución supón unha volta á tradición, José González Solla, presidente da asociación Amigos da Cociña Galega, dixo que a cociña moderna “pódese lucrar das nosas cociñas, non podemos deixar de mirar ao pasado, poñer amor ao que facemos defendendo a nosa cociña de sempre e a nosa cociña de agora”.

Pola súa parte, Luis Veira de Árbore da Veira, comentou que “non hai cociña tradicional ou moderna. Só hai boa ou mala cociña” “Eu son radical, non teño claro se a miña base é a cociña tradicional”.

Iván Domínguez aclarou que no restaurante Alborada “somos consciente do pasado, pero levamos a cociña aos tempos de hoxe que creou un camiño cara a modernidade”. Pola súa parte, Chef Rivera recordou que el abrira o seu negocio con 26 anos en Padrón, pero “tiven que deixar o meu concepto modernista e ofrecer o que a miña clientela me demandaba”.

Para Paco Teira, de Benboa, un modelo de éxito é “vender comida galega, ben preparada e sen volverse loco”.

Comparte...