Risotto con caldo galego

Risotto con caldo galego

Por Panepanna

Para 4 persoas

Ingredientes:

  • unto
  • 320 gramos de arroz para risotto (Arborio ou Carnaroli)
  • 1 litro de caldo galego (parte líquida)
  • un pouco da “substancia” do caldo: grelos, chourizo, pataca (segundo como se faga en cada casa)
  • un chourizo
  • uns talos finos de grelo fresco
  • 25 gramos de manteiga

Elaboración: 

Por a quentar o caldo, e preparar os ingredientes: picar o chourizo, cortar finamente os talos de grelo, cortar en anaquiños a substancia do caldo, pesar o arroz.

Nunha tixola ampla, ou cazola baixa, quentarmos un pouco de aceite de oliva e un anaco de unto. Retirar o anaquiño que quede sen derreter e engadir o arroz. Tostalo 1 ou 2 minutos a lume ben vivo. Engadir un cazo de caldo, baixar o lume a medio, e empezar a remover, con delicadeza, o arroz.

Levar a cocción o arroz (tardará uns 15-18 minutos, segundo o arroz), engadindo un cazo de caldo só cando o anterior sexa absorbido, e removendo moi a miúdo (ou sempre, como nos vaia máis cómodo).

Uns 5 minutos antes de rematar a cocción, engadir os tropezóns do caldo, o chourizo picado e os talos de grelo picados.

 Montaxe:

Cando estea no punto (ao dente) apartar do lume e “mantecare” coa manteiga. Deixarmos descansar o risotto un minuto e servilo.

Comparte...